Вялікі дзякуй дакладчыкам! Вы зрабілі наша мерапрыемства цікавым, карысным і незабыўным. Мяркуючы па водгуках слухачоў, часам выбар паміж дакладамі быў складаным.

Выдатны тэмп форуму задаў Аляксей Казуляеў з дакладам пра тэндэнцыі ў аўдыявізуальным перакладзе і кагнітыўнай рэвалюцыі, якая цяпер адбываецца.

Адэлаіда Кузняцова і Алёна Саўчанка параўналі перавагі і недахопы працы фрылансерам і штатным перакладчыкам у Беларусі, зірнулі на праблемы ў штодзённай працы перакладчыкаў, падзяліліся сваім вопытам барацьбы са стэрэатыпамі ў перакладчыцкай дзейнасці.

Вольга Тарасава распавяла аб статыстыцы, якая дапамагае ёй прытрымлівацца тэрмінаў і разлічваць прымальныя стаўкі. Асаблівую цікавасць выклікала табліца, якую можна ўжываць для самастойнага вядзення аналагічнай статыстыкі.

Ілля Мішчанка пазнаёміў слухачоў з інфармацыяй аб асацыяцыях перакладчыкаў у свеце (міжнародных, нацыянальных, аб'яднаннях па віду паслуг або катэгорыях перакладчыкаў, нефармальных аб'яднаннях), падрабязна спыніўся на расійскім вопыце і даў некалькі рэкамендацый у дачыненні да беларускай супольнасці перакладчыкаў.

Алена Талапіла прысвяціла свой даклад на беларускай мове фінансаваму планаванню для фрылансераў. Яна распавяла, як перастаць баяцца лічыць грошы, як стварыць эфектыўны бюджэт і смела мяняць яго згодна з уласнымі патрэбамі.

Ганна Каламійцава падзялілася сакрэтамі працы з дзвюма замежнымі мовамі — нямецкай і англійскай — і распавяла пра спецыфіку гэтых моў з пункту гледжання падрыхтоўкі да заказаў, перакладчыцкіх навыкаў і маркетынгу.

Уладзімір Бурдзянкоў і Юры Бурдзянкоў — дынастыя перакладчыкаў-сінхраністаў — закранулі дзве тэмы. Уладзімір Бурдзянкоў распавёў аб перакладчыцкіх арганізацыях AIIC, DG SCIC, DG INTE (LINC). Юрый Бурдзянкоў зрабіў акцэнт на ўзаемадапамозе каманды сінхраністаў у кабіне і супаставіў «як трэба» vs. «што маем».

Юлія Цімашэнка і Аляксандр Маркевіч прадставілі сваё бачанне асацыяцыі перакладчыкаў Беларусі ў будучыні і перспектыў стварэння такой арганізацыі. Тэма выклікала бурную дыскусію, якая нават трохі выйшла за межы адведзенага часу. Адчувалася, што над пытаннем асацыяцыі думалі многія, таму варта падумаць над працягам абмеркавання ў рамках сустрэч рабочай групы.

Юлія Малаткова распавяла аб сваім вопыце аўтара комплекснага дапаможніка па вусным і пісьмовым перакладзе з кітайскай мовы.

Дзяніс Шут распавёў аб такім відзе перакладу, як шушатаж, і даў практычныя парады па эфектыўнай практыцы шушатажу.

Андрэй Яшараў падзяліўся спосабамі дыверсіфікацыі працы і распавёў пра шляхі атрымання дадатковых спецыялізацый.